Nuk do ta tërheqim Ligjin për media, thotë Mançevski

“Ligji për shërbime mediatike audio dhe audiovizuale nuk do të tërhiqet, por ngelemi të hapur për diskutim”, deklaroi ministri i Shoqërisë Informatike dhe Administratës, Damjan Mançevski, në lidhje me vërejtjet e disa shoqatave se ligji është kundër-kushtetues dhe diskriminues, njofton Portalb.mk.

“Do të doja të di pse këto shoqata në shumë debate publike që i kemi pasur nuk e kanë treguar qëndrimin e tyre, por e tregojnë nëpërmjet brifingje në opinion. Ligji nuk do të tërhiqet pasi që në pajtueshmëri me informatat të cilat i kam për një takim në Odën Ekonomike të Maqedonisë, pjesëmarrësit nuk e ndajnë këtë mendim. Megjithatë, ngelemi të hapur për diskutim dhe debat publik, dhe jo pas dyerve të mbyllura, ta zgjidhim këtë problem dhe absolutisht jam i sigurt se do të gjejmë zgjidhje”, tha Mançevski.

Ndryshe, para disa kohës, zëdhënësi i Qeverisë, Mile Boshnjakovski deklaroi se propozim-ligji për shërbime audio dhe audiovizuale përpara se të hyjë në procedurë qeveritare, me kërkesë të tyre, do të shkojë edhe njëherë në shqyrtim në Komisionin Evropian.

foom-logo-disklejmerKy tekst është përgatitur në kuadër të projektit “Observatori i reformave mediatike”, të cilin e realizojnë Fondacioni për internet dhe shoqëri “Metamorfozis”, “Agora” – Qendra për promovimin e vlerave qytetare dhe Platforma për gazetari hulumtuese dhe analiza (PINA), me mbështetjen financiare të Fondacionit “Shoqëri e hapur” – Maqedoni.

Përmbajtja e tekstit është përgjegjësi vetëm e autorëve dhe në asnjë mënyrë nuk i pasqyron pikëpamjet e Fondacionit “Shoqëri e hapur” – Maqedoni.