Vegël e re për të dhënat për furnizime publike

Byroja për furnizime publike, në përbërje të Ministrisë për Financa, e krijoi platformën “Të dhëna të hapura” në ueb-faqen e-Nabavki.

Vegla e re mundëson që të gjithë të interesuarit të bëjnë analiza dhe hulumtime të personalizuara të sistemit për furnizime publike ose të institucioneve konkrete dhe bartësve të vet furnizimit.

Qëllimi, siç tha edhe zëdhënësja e Ministrisë për financa, Jovana Avramovska, është të mundësohet përgatitjav e analizave të personalizuara dhe të jepen përgjigje në shumë pyetje që kanë të bëjnë me furnizime publike.

– Një kombinim i këtillë i të dhënave me të cilat disponon sistemi nuk ka qenë në dispozicion deri tani. Qëllimi për transparencë më të madhe në furnizimet publike është i qartë. Me vendimin e qeverisë së RM-së tashmë publikohet dokumentacioni i plotë i kontratave për furnizime publike. Prej atëherë deri tani janë publikuar mbi 1.700 kontrata për furnizime publike nga ana e institucioneve. Qëllimi është të krijohet një sistem transparent dhe cilësor për furnizime publike dhe qytetarët ta fitojnë më të mirën, për çmimin më të mirë nga mjetet e tyre – sqaroi Avramovska.

 

 

foom-logo-disklejmerKy tekst është përgatitur në kuadër të projektit “Оbservatori i reformave mediatike“, të cilin e realizojnë Fondacioni për internet dhe shoqëri “Metamorfozis“, “Аgora” – Qendra për promovimin e vlerave qytetare dhe Platforma për gazetari hulumtuese dhe analiza (PINA), me mbështetjen financiare të “Fondacionit “Shoqëri e hapur” – Maqedoni“.
Përmbajtja e tekstit është përgjegjësi vetëm e autorëve dhe në asnjë mënyrë nuk i pasqyron pikëpamjet e Fondacionit “Shoqëri e hapur” – Maqedoni.